Shkarkimi i Arben Ahmetajt ishte një vendim i përfolur më parë ne media, madje që në fillim të këtij viti, por shefi i kabinetit qeveritar nuk kishte dhënë asnjë reagim. Ndërkohë këtë mëngjes u konfirmua se Rama shkarkoi nga detyra si zv/kryeministër Ahmetajn. Këtë vendim kryeministrie ka marrë mbrëmjen e kaluar sapo Ilir Meta dorëzoi Presidencën te Bajram Begaj. Këtë detaj e ka konfirmuar sot në një intervistë televizive analisti Lorenc Vangjeli.Vangjeli tha se ende pa mbaruar festa e inaugurimit të kryetarit të ri të shtetit, Rama bëri mbledhje në Kryeministri dhe njoftoi ndryshimin në kabinet. Analisti thekson se Rama nuk do t’i shkruante Ilir Metës deri në 24 korrik dhe kështu bëri.
“Ceremonia vazhdonte ende në oborrin e pasëm. Dje është bërë mbledhja dhe është komunikuar një gjë e tillë. Zoti Rama ka rrëfyer vendimin e tij për të bërë dyshime në kabinet. Është sërish data 24 korrik. Dhe po në të njëjtën kohë për shumë arsye çfarëdo që të ndodhte Edi Rama nuk do ti shkruante Ilir Metës deri në 24 korrik. Është lexuar disa gabim lëvizja. Në këtë lexim të gabuar të tij ndikon edhe njeriu i jashtëzakonshëm. Dëgjova Berishën që shpesh është racional, sot ndërtoi sërish një gjë të tillë”, tha Vangjeli.
Ndërkohë, që ish-kryeministri Sali Berisha tha se Rama e shkarkoi Ahmetajn për ta ndihmuar të arratiset, Vangjeli thotë se lexohet ndryshe. Sipas tij, vendimi i Ramës është politik dhe ka të bëjë me ekuilibrat e brendshëm të PS. Ndërsa Ish-anëtari i Kryesisë së PD, Edvin Kulluri mendon ndryshe. Ai thotë se Ahmetaj është i përfshirë në aferën e inceneratorëve dhe kjo dosje që ndodhet në SPAK do të marrë me vete edhe shumë emra të fortë
Discussion about this post