Ajo është gjithmonë e buzëqeshur, e këndshme dhe plot pozitivitet dhe këtë na e tregon çdo të diel në “E diela shqiptare”. Andressa, brazilianja e famshme që tashmë prej vitesh është një nga personazhet më të dashur të ekraneve është në pritje të ëmbël për herë të parë.
Moderatorja teksa po prezantonte krah Ardit Gjebres ‘Telebingon Shqiptare’ është ndeshur me një pyetje të papritur nga një telefonuese që i ka zbuluar dhe sekretin.
Telefonuesja e ka pyetur Andresën nëse mban fustane të gjera pasi është në pritje të ëmbël.
Moderatorja nuk ka nguruar të konfirmojë lajmin për të gjithë ndjekësit e saj duke u shprehur se do të bëhet nënë për herë të parë.
“Zonja ka të drejtë”-është shprehur Andresa ndërsa Arditi shkoi ta përqafonte moderatoren si për të konfirmuar lajmin e ëmbël.
Por kush është partneri i balerinës, që e shohim përkrah Ardit Gjebreas çdo javë? Ai quhet Mirko dhe është italian.
Sipas informacioneve, Mirko është jurist dhe përfaqëson në Shqipëri një firmë italiane në çështjet juridike. Historia e tyre e dashurisë është ndoshta një nga më romantiket që keni dëgjuar deri tani.
Andressa dhe Mirko janë takuar në aeroport në Romë teksa udhëtonin të dy drejt Shqipërisë, balerina asokohe synonte të merrte pjesë në një audicion në vendin tonë për të punuar gjatë një sezoni, ndërsa Mirko i rikthehej punës së tij prej juristi. Shkëndijat e dashurisë së tyre shpërthyen që në shikimin e parë, ndërsa ai udhëtim i bëri të kuptojnë që ishin bërë për njëri-tjetrin.
Discussion about this post