Ish-futbollisti i Interit, Bayerni dhe Kombëtares gjermane, Lothar Matthaus, ka aq shumë besim te bavarezët, sa e deklaron hapur, dhe deri diku me prepotencën tipike të një gjermani, se Bayerni do të eliminojë PSG-në në raundin e 1/8-ave nga Champions League, duke shtuar madje se kampionët e Francës janë në kolaps
Duke folur për mediat, Matthaus theksoi se PSG-ja është në kolaps dhe se Bayern Munich ka për ta shfrytëzuar mirë këtë rast.
“Presioni është i madh, por ky është rasti kur luan për klube të mëdha. Për mua Bayern është favorit në të dyja ndeshjet dhe pres që ata të kalojnë në raundin tjetër. Këtë nuk e them si tifoz.
Parisi mund të luajë ndeshje të shkëlqyera, por ato shemben rregullisht. Mendoj se Bayerni është më i bashkuar, më kompakt”, deklaroi Matthaus.
Dueli i parë mes të dy ekipeve luhet mbrëmjen e sotme, në Parc Des Princes, në orën 21:00.
Discussion about this post