Paris Saint-Germain thuhet se do t’i kërkohet të paguajë një tarifë të shumë të lartë për Sergio Ramos nëse ata vendosin të ndërpresin kontratën e legjendës së Real Madridit.
Ramos mbërriti në kryeqytetin francez në verë si transferim i lirë, por spanjolli nuk ka debutuar zyrtarisht për PSG-në.
Mbrojtësi 35-vjeçar, i cili humbi sezonin e Spanjës në Euro 2020 në verë, ka mbetur jashtë fushës për shkak të një dëmtimi që e mori në korrik.
Shqetësimet për serinë e fundit të dëmtimeve të Ramos kanë bërë që PSG të konsiderojë përfundimin e mundshëm të kontratës së tij raporton ‘Le Parisien’.
Gazeta franceze pretendon se klubi i Ligue 1 beson se nënshkrimi i ish-yllit të ‘Los Blancos’ mund të ketë qenë një gabim dhe po peshojnë opsionet e tyre.
Sipas raportimeve, Ramos nënshkroi një kontratë deri në 2023-shin nga e cila do të fitonte 24 milionë euro në sezon.
Duke ditur se ai mund të fitojë rreth 48 milionë euro në total, mendohet se ai mund të mos bjerë dakord për shkëputje të kontratës ose parisienët do duhet të paguajnë shumë.
PSG do të duhet të arrijë në një marrëveshje me Ramos përpara përfundimit të kontratës së tij, por spanjolli mund të largohet për një shifër shumë të lartë.
Menaxheri i PSG-së, Mauricio Pochettino zbuloi muajin e kaluar se Ramos nuk kishte filluar të stërvitet me skuadrën e tij edhe pas rikuperimit nga lëndimi./K.T/Gijotina.com
