Paris Saint-German është një nga ekipet më të frikshme për çdo kundërshtar, me lojëtarët që ka në përbërje. Yje si Messi, Mbappe apo Neymar në sulm janë makthi i çdo mbrojtësi, por jo të gjithë janë aq të pazëvendësueshëm sa ata.
Trajneri Pochettino tha një muaj më parë në një konferencë për shtyp se është e vështirë të punosh normalisht në një dhomë zhveshjeje me tridhjetë e tre lojtarë, duke dërguar një mesazh të drejtpërdrejtë për klubin.
Kështu, francezët pritet të fillojnë spastrimet që në merkaton e janarit dhe futbollist si Xavi Simons, Mauro Icardi apo Rafinha nuk do të gjejnë më vend në ekip.
Në listën e futbollistëve që pritet të largohen janë edhe Kurzawa, Nuno Mendes, Dagba dhe Dina. Portieri Sergio Rico gjithashtu mund të largohet, pasi ka mbetur si opsion i tretë, me Donnarumma dhe Navas që preferohen si titullar.
Discussion about this post