Te klubi i Paris SG janë penduar dhe po tentojnë të rikthejnë Thomas Tuchel në stol. Tekniku aktual i ekipit Christophe Galtier nuk po bind dhe rrezikon shkarkimin. Dy emra përfliten si zëvendësuesit e tij, gjemrani i lartpërmendur si dhe portugezi Jose Mourinho.
Drejtuesit, duan t’i besojnë pankinën sërish gjermanit. Tuchel drejtoi francezët në periudhën korrik 2018-dhjetor 2020 duke fituar gjashtë trofe e duke mbërritur deri në finalen e Champions League.
49-vjeçari është gati të rikthehet, por ai dëshiron garanci nga drejtuesit e PSG-së për sa i përket zvogëlimit të ndikimit të egove personale të super yjeve të skuadrës.
Ndërkohë, një opsion i mundshëm është dhe Zinedine Zidane, megjithatë fakti që ai është tifoz i Olimpik Marsejës, rivalit historik të parizienëve, i vështirëson disi tratativat pa harruar se francezi po merret në konsideratë edhe nga Juventusi.
“Objektivi im është të rikthehem të stërvis. Sot kam kohë të lirë, por nuk ia kam idenë sa do të zgjasë. Ndoshta kam kohë deri në qershor, por mund të rikthehem në stol edhe më herët”, u shpreh Zidane disa ditë më parë.
Discussion about this post