Klubi i Paris Saint-Germain ka zbuluar së fundmi gjendjen e lojtarëve të dëmtuar. PSG ka theksuar se Marco Verratti është duke vazhduar trajtimin dhe pritet të kthehet në stërvitje me grupin pas pushimit ndërkombëtar.
“Marco Verratti po vazhdon trajtimin e tij. Rikthimi në stërvitje është planifikuar pas pushimit ndërkombëtar”, thuhet në një deklaratë zyrtare.
Lionel Messi nga ana tjetër theksohet se është duke u trajtuar dhe pritet të zbresë në fushë edhe më shpejt se italiani.
“Lionel Messi vazhdoi trajtimin e tij në Qendrën Stërvitore Ooredoo këtë mëngjes për dhimbjet e gjurit dhe kofshës së pasme të këmbës”.-shtohet më tej.
Ndërsa Ramos do t’i bashkohet skuadrës javën që vjen, çfarë lë të kuptohet se debutimi i tij do të ndodh në takimin e parë pas pushimit ndërkombëtar, që është ai kundër Nantes më 20 nëntor, i vlefshëm për raundin e 14 të Ligue 1.
“Sergio Ramos do të rikthehet me grupin javën e ardhshme”.-theksohet në deklaratën e klubit parisien.
Kështu spanjolli pritet të luajë ndeshjen e tij të parë pas disa muajsh mungesë në fushën e blertë dhe që përkon dhe me të parën sfidë me skuadrën e re./K.T/Gijotina.com
Discussion about this post