Skuadra e PSG ka arritur fitoren e radhës në kampionatin francez. Rekordmenët e Ligue 1 mundën në transfertë Metzin me shifrat 2-1. Heroi i takimit për skuadrën e Mauricio Pochetinos ishte Hakimi i cili realizoi një dopietë personale.
Mbrojtësi shënoi një gol në secilën pjesë. Me këtë fitore skuadra e PSG blindon vendin e parë pasi në shtatë ndeshje ka grumbulluar 21 pikë. Në këtë duel Lionel Messi nuk luajti për shkak të një dëmtimi që pësoi në stërvitje.
