Milan Skriniar është shumë pranë kalimit te PSG. Fillimisht shihej si një operacion shumë i ndërlikuar, por francezët kanë gjetur gjuhën e përbashkët me lojtarin. Mediet italiane raportojnë në orët e fundit se mbrojtësi ka rënë dakord për kushtet financiare.
Bëhet fjalë për një pagë 7.7 milionë euro në sezon dhe Skriniar ka dhënë “dritën jeshile” për këtë lëvizje. Tani fjala e fundit u takon drejtuesve “zikaltër”.
Inter nuk ul pretendimin dhe kërkon 80 milionë euro, ndërsa parizienët në ofertën e tyre të fundit nuk shkuan më shumë se 60 milionë euro . Pritet që palët të “pajtohen” për 70 milionë euro.
27-vjeçari është pjesë e Inter nga sezoni 2017-2018, pasi u largua nga Sampdoria dhe me 19 herë kampionet e Italisë numëron në total 215 ndeshje dhe 11 gola në të gjitha garat.
Discussion about this post