Paris Saint-Germain është mposhtur mbrëmjen e sotme me rezultatin 3-1 nga skuadra modeste e Lorient.
Takimi nisi menjëherë “ters” për parisienët të cilët panë lojtarin e tyre, Hakimi që të ndëshkohej me karton të verdhë në minutën e pestë.
10 minuta më vonë Le Fee që zhbllokoi rezultatin duke realizuar golin e avantazhit për Lorient. Hakimi ishte në ditën e tij më të keqe, duke parë që në të 20-ën u detyrua të largohej nga fusha pas kartonit të dytë të verdhë.
Megjithatë, super skuadra franceze barazoi shifrat me anë të Mbappe (29’).
Pa mbaruar pjesa e parë, vendasit u befasuan nga Yongwa, i cili dërgoi përsëri në avantazh Lorient.
Në pjesën e dytë, pritej që PSG të reagonte fuqishëm, falë dhe “faktorit fushë” por Lorient ishte në ditën e saj me fat. Dieng në minutën e 86’ pa t’i anulohej një gol nga sistemi VAR për një offside, por tre minuta më vonë, i njëjti futbollist, realizoi golin e tretë, kësaj radhe të rregullt.
Kjo ishte një fitore e mrekullueshme për modestët e Lorient, të cilët me këtë fitore shkojnë në kuotën e 48 pikëve, në pozitën e 10-të. Nga ana tjetër, PSG vazhdon të jetë në vendin e parë me 75 pikë, e ndjekur nga Marseja në kuotën e 67 pikëve (me një ndeshje më pak). /m.b /gitjotina.com
Discussion about this post