Fitore si e Pirros për PSG në javën e 21 të Ligue 1. Sukses 3-1 ndaj Montpellier ku ndodhi pothuajse gjithçka, që nga penalltitë e humbura dhe deri tek dëmtimet e rënda.
Parizienët që tashmë mund të jenë pak më të qetë pas disa rezultateve zhgënjyese, kanë një problem të madh që quhet Kylian Mbappe. Sulmuesi që konsiderohet edhe si pika e referimit të skuadrës së Galtier, mund të mos jetë në ndeshjen dnaj Bayern Munchen për 1/8-at e Champion s League ndërsa në rastin më të mirë ai mund të zbresë në fushë por jo në formë optimale.
Mbappe u largua nga fusha e lojës për shkak të një dëmtimi muskular pasi gaboi edhe dy herë nga pika e bardhë. Klubi po treghet i kujdesshëm për të mos dalë në përfundime të nxituara por prognoza është pesimiste. Dëmtime të kësaj natyre kërkojnë minimalisht 2 javë rikuperim ndërsa nëse tërheqja është e gradës së dytë atëherë me shumë mundësi numri 7 do ta mbyllë muajin shkurt në bokse.
Discussion about this post