Tentativa e 11-të radhazi i Paris Saint-Germain për të fituar UEFA Champions League përfundoi me më shumë mjerim, pra a ka ardhur koha që ky klub ta shkatërrojë projektin dhe t’ia nisë nga e para?
Bayerni e mposhti kampionin francez falë fitores me rezultat të përgjithshëm tre me zero.
Një ekip me dy prej lojtarëve më të shtrenjtë në histori, Neymar, i cili ishte i lënduar dhe mungoi në ndeshjen e djeshme dhe Kylian Mbappe, si dhe me (të ashtuquajturin) lojtarin më të mirë në historinë e futbollit, Lionel Messi, dështoi të shënojë qoftë një gol në 180 minuta lojë.
“Projekti i Paris Saint-Germainit u ndërtua për ta fituar Ligën e Kampionëve dhe ky klub ka qenë tejet larg arritjes së këtij qëllimi. Përfundimisht po duket se ky do të jetë një dështim”, tha ish-ylli i Chelsea dhe Anglisë, Joe Cole për BT Sport.
Ish-mesfushori i Anglisë, Owen Hargreaves, u shpreh: “Ata kanë shumë individë të shkëlqyer por nuk është një ekip (pra nuk ka ndjenjë grupi). Është e turpshme. Ata i kanë bashkuar kaq shumë lojtarë të mrekullueshëm por po shkojmë mbrapa”.
Duke folur pas ndeshjes, trajneri i PSG-së Christophe Galtier tha: “Ky është zhgënjim i madh. Duhet ta pranojmë dhe të merremi me këtë.”
“Nuk e di nëse është mësim për ne, por zemërimi është i madh. Sikur të shënonim të parët, gjërat do të ishin ndryshe, por nuk e bëmë”.
Koha për t’ia filluar nga e para?
PSG-ja i ka shpenzuar mbi 1 miliard euro në blerjen e lojtarëve të rinj qëkur Emiri i Katarit e mori në pronësi klubin në vitin 2012. Në Francë ka fituar tetë prej 10 titujve në Ligue 1 dhe 12 kupa franceze me pronarët e rinj.
Por “pushtimi i Europës” ka qenë ëndrra e pronarëve, e cila tani duket edhe më e paarritshme. Pasi arriti deri në çerekfinale në katër sezonet e para, PSG-ja u rrëzua “para kohe” në pesë prej shtatë sezoneve të fundit.
Më afër përmbushjes së synimit shkoi në 2020, kur arriti në finale, por u mposht nga… Bayerni.
Skuadra e PSG-së ndër vite ka qenë e mbushur me superyje dhe sulmues plot talent por jo e qëndrueshme apo baraspeshuar.
“PSG-ja duhet ta shkatërrojë të gjithë projektin dhe t’ia fillojë nga zeroja. Në Paris ata kanë talentet më të mirë të futbollit në gjithë botën”, tha Hargreaves, ish-mesfushori i Bayernit.
nacionale
Discussion about this post