Ish-portieri i njohur, Peter Schmeichel, ka bërë analizën e Champions League, teksa ka theksuar se gjigandët e Ligue 1 nuk mund të ngrejnë lart trofeun e këtij kompeticioni.
Ish-gardiani fitues i Champions League me Manchester United në vitet 1999, ka deklaruar se deri ën momentin që parizienët nuk do të mund të fitojnë këtë trofe deri në momentin që do të zgjidhin problemet me mbrojtjen.
“Për sa i përket fitimit të Chamnpions League, problemi i PSG-së u shfaq në ndeshjen e djeshme fitore 7-2 kundër Maccabi Haifa. Ata po fitonin me 4-0, papritmas rezultati ndryshoi në 4-2. Është një ekip që duhet të shënojë shumë gola për të fituar ndeshje dhe kjo nuk ndodh gjithmonë”, ka theksuar fillimisht ish-gardiani i njohur.
Schmeichel shpjegon se si një treshe e ëndrrave në sulm, e përbërë nga Lionel Messi, Kylian Mbappé dhe Neymar, mund të kthehet në një makth në mbrojtje.
“Mendoj se mbrojtja e PSG-së është e tmerrshme dhe kjo është gjithashtu faji i lojtarëve sulmues. Mund të shihet se ata ndihmojnë shumë pak në mbrojtje. Të gjitha skuadrat e tjera – Bayern, Manchester City… – sulmojnë me njëmbëdhjetë dhe mbrohen me njëmbëdhjetë. Në futbollin modern kjo është thelbësore. Në ndeshjet kundër skuadrave si Real Madrid apo Manchester City, ky mund të jetë problem”, përfundoi danezi.
Discussion about this post