Klubi i Paris Saint-Germain është i gjithi i përqendruar te rinovimi i kontratës së Kylian Mbappe, por në të njëjtën kohë edhe te largimi i lojtarëve të panevojshëm për ta.
Parisienët kanë më shumë se 30 lojtarë të ekipit të parë dhe si rezultat do të jenë më kërkues për të hequr qafe disa prej yjeve të tyre më të papërdorur.
‘L’Equipe’ raporton se PSG duhet të sjellë rreth 100 milionë euro në dy afatet e ardhshme të transferimeve dhe merkato e dimrit është vetëm çështje ditësh tashmë.
I pari që pritet të largohet është Rafinha, i cili pritet t’i thotë mirupafshim Parc des Princes dhe Real Sociedad duket të jetë destinacioni i tij më i mundshëm, pasi mezi ka arritur 221 minuta për PSG.
Lojtari pritet të shkojë në San Sebastian në një huazim fillestar deri në fund të sezonit, kështu që ai do të ulë vetëm përkohësisht faturën e pagave të tyre.
Thilo Kehrer dhe Abdou Diallo po ashtu mund të largohen këtë dimër dhe ‘Transfermarkt’ vlerëson secilin në 25 milionë euro.
Julian Draxler dhe Layvin Kurzawa janë emra që po ashtu PSG dëshiron t’i largojë. Ata kanë kontrata deri në vitin 2024 dhe çdo klub i interesuar do të duhet të shpenzojë për t’i transferuar ata, si dhe të përfshihet në negociata të vështira pasi asnjë lojtar nuk dëshiron të largohet nga Parisi.
Teksa Sergio Rico ka të ngjarë të jetë më i hapur për një largim, pasi është zgjedhja e tretë, pas Keylor Navas dhe Gianluigi Donnarumma dhe Mauro Icardi është një tjetër emër që klubi dëshiron ta largojë sa më shpejtë të jetë e mundur./K.T/Gijotina.com
Discussion about this post