Milan ndodhet gjithmonë e më shumë në vështirësi në garën për të rinovuar me Franck Kessie. Kontrata e mesfushorit të Fildishtë me ‘kuqezinjtë’ e Italisë do të skadojë vitin e ardhshëm dhe duket se gjetja e gjuhës së përbashkët me klubin është shumë e largët.
Sipas ‘Tuttomercatoweb’ kjo situatë rëndohet akoma më shumë me PSG-në që është gati për t’i bërë një ofertë të ‘çmendur’ lojtarit të italianëve.
Javët e fundit, kontaktet midis përfaqësuesve të futbollistit dhe Paris Saint-Germain kanë qenë shumë të ngushta, aq sa klubi francez duket se e ka gjetur marrëveshjen me lojtarin. PSG do i ofrojë Kessiet një kontratë 5-vjeçare për 12 milionë euro në vit, plus bonuset që do merren në bazë të rezultateve.
Pra një marrëveshje që shkon te rreth 130-140 milionë euro në total për 5 vite, një shifër kjo që është shumë e pëlqyer për lojtarin, që nuk po gjen akordin me klubin e Milan, pasi shkaqet kryesore janë ato financiare.
Rikujtojmë që lojtari kërkon një kontratë të re që shkon në 8 milionë euro për sezon, ndërsa ‘Djalli’ ofron vetëm 6.5 milionë euro dhe kjo për shkak edhe të gjendje financiare ku ndodhet aktualisht./K.T/Gijotina.com
