Trajneri Luis “Lucho” Enrique është i lirë që nga dhjetori i vitit të kaluar, pasi kombëtarja spanjolle u eliminua nga Maroku, në fazën e 16-tës së Botërorit të Katarit.
Nga sa raportohet, Luis Enrique ka arritur dakordësinë për të drejtuar skuadrën franceze të PSG-së sezonin e ardhshëm, ndaj tashmë ka nisur punës dhe sipas “Fichajes” është gati të largojë jo më pak se 15 lojtarë nga skuadra, ku pritet të zyrtarizohet.
Emrat më të zëshëm në “listën e zezë” të teknikut spanjoll janë Mauro Icardi, Leandro Paredes dhe Kylor Navas.
Të tjerë futbollistë që Luis Enrique nuk i do më në “Parc de Princes” janë Georiginio Wijnaldum, Julian Draxler, Lewin Kurzawa, Edouard Michut, Ayman Kari, Djeidi Gassama, Kenny Nagera, Mathyas Randriamamy, Anfane Ahamada, Colin Dagba dhe Junior Dina Ebimbe.
Pasi Leo Messi u largua për në Inter Miami, parizienët u rifokusuan dhe bënë disa transferime të bujshme. Sipas gazetarit italian Fabrizio Romano, jo më pak se gjashtë lojtarë do të shpallen si pjesë e re e PSG-së në ditët në vijim.
Milan Skriniar vjen si transferim i lirë nga Interi, ashtu si edhe Marco Asensio, i cili ka përfunduar angazhimin me Real Madridin. Si lojtar i lirë do të nënshkruajë edhe Cher Ndour nga Benfica.
Grupi nga Hexagon paguan 22 milionë euro për Kang-in Lee, i cili bëri një sezon të shkëlqyer në fanelën e Mallorcës. Transferimi i pestë do të jetë Lucas Hernandez, për të cilin Bayern Munich do të marrë jo më pak se 45 milionë euro.
Futbollisti më i shtrenjtë që do të mbërrijë në “Parc des Princes” është Manuel Ugarte. Për portugezin, PSG pagoi Sportingun jo më pak se 60 milionë euro.
Discussion about this post