Zhgënjyese mund të konsiderohet ndeshja e Lionel Messit në supersfidën e javës në Ligue 1 këtë mbrëmje midis Paris Saint-Germain dhe Lyon-it.
Argjentinasi nuk ka mundur që të shënojë as në këtë ndeshje, ndërsa performanca e tij nuk u duk e mjaftueshme për trajnerin e PSG-së, Pochettinon, i cili vendosi ta zëvendësonte në minutë e 75-ë të lojës me Hakimin. Moment i cili nuk u mirëprit aspak nga argjentinasi, i cili u duk se i tha diçka trajnerit.
Parisienët fituan me përmbysje me rezultatin 2-1 falë golave të Neymar dhe Icardit, ndërsa me këtë rezultat PSG ngjitet në kuotën e 18 pikëve në kampionat, plot 5 pikë larg vendit të dytë.
Ndërsa në përfundim të ndeshjes Messi qëndroi në dhomat e zhveshjeve dhe nuk doli që të festonte me shokët e skuadrës./Gijotina.com
