Rivali i madh i Real Madridit për Harry Kane nuk është në Premier League por në Paris. Paris Saint Germain është i gatshëm që të blejë sulmuesin e Tottenhamit, duke i ofruar një kontratë prej 100 milionë eurosh neto për katër sezone. Skuadra franceze dëshiron të realizojë dëshirat e yllit të saj Kylian Mbappé.
Me mbylljen e tratativës për Jude Bellingham, Harry Kane është bërë objektivi prioritar i Real Madrid për këtë verë. Largimi i papritur i Karim Benzema drejt Arabisë e ka lënë klubin me boshllëk të madh në një nga pozicionet më të rëndësishme në një ekip futbolli: qendërsulmuesin.
Kjo është arsyeja pse Real Madridi e ka të qartë se i zgjedhuri për të pasuar Benzema është Harry Kane, sepse Kylian Mbappé, siç i tha Florentino Pérez një tifozi këtë fundjavë, nuk do vijë në Madrid, gjatë këtij viti. Klubi i bardhë është i përkushtuar për nënshkrimin e anglezit, por nuk është i gatshëm të hyjë në lojën e ankandit që dëshiron Daniel Levy, një njohës i vjetër i Real Madridit nga transferimet e vështira të Modric dhe Gareth Bale, me këtë të fundit, që mbërriti në Bernabéu pas “njëmijë e një hallesh”.
Por armiku këtë herë nuk është Levy por Al-Khelaifi. PSG, në luftë për të gjitha nënshkrimet me Real Madridin që nga rasti Mbappe, dëshiron edhe Harry Kane me të cilin pothuajse mbyllën një marrëveshje verbale. Edhe ardhja e sulmuesit të Tottenham ishte një nga atraksionet që PSG i ofroi Mbappe-s për ta bërë atë të ekzekutonte klauzolën e rinovimit të njëanshëm deri në vitin 2025. Nuk funksionoi.
Në tryezën e Harry Kane, oferta e Emirit të Katarit është shumë joshëse: 100 milionë euro neto për katër sezone (Messi fitoi 110 për tre vjet), me një normë prej 25 milionësh në vit, 20% më shumë se paga e tij aktuale te Tottenham. Për më tepër, PSG është e gatshme t’i ofrojë Daniel Levy-t një propozim transferimi prej më shumë se 100 milionë eurosh, që është në përputhje me atë që presidenti i ‘Spursave’ synon të marrë për Kane. Pra, me PSG-në si armikun kryesor, Florentino do të duhet të përveshë mëngët për të shkuar në luftë për Harry Kane.
Discussion about this post