Qatar Sports Investments (QSI) dhe Arctos Partners (Arctos) kanë njoftuar sot një marrëveshje investimi dhe partneriteti strategjik që do të shohë blerjen nga Arctos të një pakice aksionesh në klubin nga kryeqyteti francez. PSG-ja ruan pronësinë e shumicës së klubit dhe kontrollin drejtues, megjithëse avancon disi nga strategjitë që duhen ndjekur me këtë marrëveshje, e cila përfshin përcaktimin e rrugës në lidhje me stadiumin e ri.
Fondi amerikan do të marrë 12.5% të klubit, për një kontribut prej 531 milionë euro. Me këtë aksion, vlera e përgjithshme që i është dhënë kompanisë PSG është 4.25 miliardë euro.
“Partneriteti do të vendosë themelet për fazën e ardhshme të rritjes globale të PSG-së dhe do të nxisë suksesin e futbollit dhe biznesit të klubit. Investimi i Arctos do të shkojë drejt rritjes së operacioneve të PSG-së dhe gjithashtu mbështetjes së iniciativave strategjike të klubit për pasuritë e paluajtshme, duke përfshirë ato që lidhen me stadiumin e tij dhe fazat e ardhshme të zhvillimit të qendrës stërvitore lider në botë të PSG-së në Poissy”, thuhet në deklaratën e klubit.
Arctos Partners, me seli në Dallas, u themelua në vitin 2019 dhe ka interesa në disa organizata sportive profesionale në mbarë botën si MLB (Major League Baseball), NBA (North American Basketball League), MLS (Major League Soccer), NHL (Liga Amerikan e Hokejt në Akull), Formula 1 dhe disa ekipe futbolli në Evropë.
Discussion about this post