Ecuria e shkëlqyer e Paris St Germain në sezonin aktual sigurisht është falë potencialit të trainerit Luis Enrique.
Asturiani, i privilegjuar për faktin e të paturit një ekip yjesh me Mbappen si lider i ka arritur objektivat deri më tani me ” Les Pariziens “.
Kjo situatë është pasuar me tentativën e Nasser Al Khelaifit për t’ia rinovuar kontratën ishi-t të Barcelonës, i cili fillimisht ka fituar Superkupën e Francës, Ligue 1 dhe gjithashtu është shumë afër shkrimit përsëri të historisë në Uefa Champions League.
Sipas L’ Equipe, 53 vjeçari ka firmosur kontratën deri në 2025-sën me opsionin e rinovimit edhe për një sezon tjetër por drejtuesit e francezëve kanë filluar të mendojnë për zgjatjen e saj.
Paris St Germain e presin sfida të vështira në vijimësi, si për shembull ajo e sotmja në “Signal Iduna Park” kundër Borussia Dortmundit, e vlefshme për gjysmëfinalen e parë të Champions Leagues dhe gjithashtu finalja e Kupës së Francës kundër Lionit, e parashikuar të zhvillohet në 25 maj.
“Lucho” shquhet si një trajner tejet kërkues, i cili analizon çdo detaj dhe kërkon përmirësimin në çdo sfidë.
Si presidenti nga Katari ashtu edhe drejtori sportiv Luis Campos raportohet se janë shumë të kënaqur me punën e këtij trajneri dhe madje numri një i këtij ekipi e ka konsideruar si më të mirin në botë aktualisht.
Natyrisht tek Paris St Germain kërkesa e llogarisë është shumë e madhe pasi pretendohet protagonizmi në çdo kompeticion por objektivi kryesor mbetet fitimi i trofeut të kompeticionit më prestigjioz europian për klube.
Discussion about this post