Mauro Icardi duket se është lojtari më pak i pëlqyer te klubi i Paris Saint-Germain dhe për këtë arsye ai shihet si emri i parë që synohet të ‘hiqet qafe nga parisienët.
Sulmuesi u bashkua me ekipin francez në 2019, megjithatë në asnjë moment nuk ka mundur që të jetë emër kryesor te ta.
Ndërsa me mbërritjen e Lionel Messit në Parc de Princes, hapësirat e Icardit janë minimizuar shumë dhe ai nuk ka minutat e duhura.
Sipas raportimeve të “L’Equipe” mësohet se PSG-ja ka nxjerrë në shitje argjentinasin, i cili pritet të jetë largimi i parë.
Vlera që kërkon të marrë PSG-ja nga shitja e sulmuesit është rreth 50 milionë euro, megjithatë kjo shihet si një shifër shumë e lartë për t’u paguar nga klubet e tjera.
Juventusi duket si skuadra më favorite për ta afruar 28-vjeçarin, megjithatë oferta ka edhe nga Newacstle, Mancheter United dhe West Ham./K.T/Gijotina.com
Discussion about this post