Psikologia Marsela Lekli tregoi sot se, së Shqipëri është rritur numri i personave që kanë kërkuar ndihmë profesionale nga psikiatrit apo psikologët për probleme të shëndetit mendor, pas COVID-19.
Lekli tha gjatë një interviste televizive se, komplikacionet kanë nisur që me izolimin në fillim të pandemisë, i cili ndikoi negativisht te çdo person në aspektin psikologjik. Ajo bëri me dije se problemi më i madh është ndeshur të personat që kanë pasur edhe më përpara çrregullime psikologjike.
Psiologia shtroi një problematikë, që është mungesa e një protokolli se si duhen menaxhuar nga ana psikologjike rastet që kanë çrregullime pikërisht për shkak të pandemisë. Ndërsa i bëri thirrje Ministrisë së Shëndetësisë të hartojë sa më parë një protokoll të tillë.
“Duhet hartuar një protokoll i mirëfilltë nga institucionet përkatëse, për të parë se si mund të menaxhohen rastet e problemeve të shëndetit mendor që janë shfaqur për shkak të pandemisë”, u shpreh Marsela Lekli.
Marsela Lekli radhiti arsyet që kanë ndikuar në vend për shtim të rasteve të çrregullimit mendor. Ajo përmendi tërmetin, pandeminë por edhe gjendjen ekonomike në vend, duke i vënë theksin edhe rritjes së çmimeve gjatë kohëve të fundit.
