Psikologia Erlinda Serani tregon se, çdo herë e më shumë nxënësit e shkollave fillore kanënnevojë për orë të veçanta ku mund të shprehin shqetësimet e tyre. Ajo është psikologe në një prej shkollave jopublike të kryeqytetit, dhe tregon mënyrën e këshillimit të fëmijëve dhe se si shërbimi i psikologes po pranohet më lehtë prej tyre. Në këtë kuadër ajo evidenton se, ka një mungesë të theksuar të shërbimit psikosocial në ciklin e ulët të arsimit para-universitar dhe e lëndëve edukative. Prandaj, gjatë një interviste ditën e sotme ajo i ka bërë thirrje Ministrisë së Arsimit se duhet të punojë në pasurimin e kurrikulës.
Plotësimi i nevojave të shkollave për psikolog dhe mësues ndihmës kërkon zgjerim të buxhetit të arsimit, por për Seranin në këto kohë është lëvizja më e duhur të shtosh buxhet për këtë pjesë dhe t’i reduktosh në buxhetin për evenimente festive .Sipas saj, periudha e vështirë që po kalon vendi prej dy vitesh për shkak të pandemisë ka rritur nevojën për psikologë në çdo shkollë. Serani tha se është e pafalshme që në zonat rurale nuk ka fare psikolog.
