Bullizmi është një term që po “shtrin” territorin e tij dita-ditës në informacionin që shoqëria jonë gëzon. “Dhuna në mjediset e shkollës (në të gjitha format e saj) është një shkelje e të drejtave të fëmijëve dhe adoleshentëve për arsim, shëndet dhe mirëqenie.Për të garantuar të drejta të plota tek çdo nxënës që ushtron të drejtën e arsimimit, institucionet duhet të jenë të pajisur me punojnës social që luftojnë të tilla fenomene.
Referuar një studimi të kryer nga studiues shqiptarë dhe europianë, të cilët kanë intervistuar disa mijëra nxënës, mësues dhe prindër në 141 shkolla publike e private në të gjithë qarqet e vendit për të matur shpeshtësinë e kësaj dukurie dhe tiparet e saj në realitetin shqiptar, rezultoi se që 1 në 5 nxënës nga klasa 4 deri në klasën e 12 pohuan se janë prekur nga dukuria e bullizmit në shkollë. Afro gjysma e të prekurve vuajnë nga bullizmi psikologjik, rreth 35 për qind nga ai verbal dhe dhe pjesa tjetër nga bullizmi fizik.
Përballë këtyre shifrave nga një studim jo formal dhe që nuk përfshin të gjithë nxënësit e vendit tonë, mund të konstatohet se situata është shqetësuese lidhur me nxënësit që preken nga bullizmi.
Cilat janë detyrat e psikologëve në institucionet arsimore?
- Ndërton programe për fëmijet të cilët janë në vështirësi për të dështuar në shkollë.
- Ofron teknika psiko-sociale për prindërit dhe mësuesit në mënyrë që këta të ndërhyjnë për të rregulluar sjelljet e dëmshme të fëmijëve.
- Ofron modele tolelarance për të kuptuar dhe vlerësuar diversitetin e sjelljevë të ndryshme në shkollë.
- Përpiqet të ofrojë në ambientin shkollor modele të cilat stimulojnë shndërimin e ambientit shkollor në një ambient të sigurt për fëmijën.
- Identifikimin e vështirësive potenciale të procesit së të mësuarit.
Por, sa e mundur është që në Shqipëri psikologët e këtyre institucioneve të ushtrojnë detyrën e tyre dhe të konsiderohen funksional.
Në sistemin arsimor parauniversitar janë të punësuar 596 punonjës të shërbimit psiko-social. Psikolog numëron 390 dhe Punonjës Sociale 206. Sipas Drejtorisë së Arsimit Parauniversitar një psikolog/punonjës social mbulon 500 – 700 nxënës. Por ky numër është i pamjaftueshëm duke u krahasuar me 280 mijë nxënës që janë gjithsej në Shqipëri.
Referuar këtyre të dhënave një psikolog që ka në përgjegjësi minimalisht 500 nxënës, nuk mund të kryej asnjërën nga funksionet e mësipërme.Në një vit akademik që zgjat rreth 270 ditë, intervistimi i 500 nxënësve, evidentimi i problemeve brenda dhe jashtë shkollës që nxënësit mbartin, vlerësimi i performancës së tyre apo progresit pas konsultave me psikologun, duken se nuk favorizohen nga koha në dispozicion.
Shkollat në Shqipëri jo pak herë janë përfshirë në skandale, të cilat kanë “bërtitur” nevojën e psikologëve funksionalë në institucione arsimore, por deri në këto momente MASR ende nuk ka bërë publik një program të qartë për t’i dhënë fund kësaj problematike shqetësuese të shoqërisë sonë.
Discussion about this post