Janë mbyllur mbrëmjen e sotme, edhe ndeshjet e fundit të fazës play-off të UEFA Champions League, duke bërë kështu që të plotësohetr kuadri i fazës në grupe të kompeticionit elitar europian për klube.
Një nga skuadrat që siguroi biletën për në fazën e grupeve, ishte dhe PSV Eindhoven që triumfoi duke dominuar me rezultatin 5-1 përballë Glasgow Rangers. Holandezët, kështu, hakmerren për disfatën e sezonit të kaluar, po në këtë fazë, ndaj skocezëve.
Takimi i luajtur në “Philips Stadion”, ishte i luftuar, që në minutat e para të lojës, me të dyja skuadrat që kërkuan me insitsim golin e avantazhit.
Megjithatë, diferencën e bëri, saktësia para portës, me PSV që u tregua më precise, ndërsa skocezët shpërdoruan rastet e krijuara përpara portës së Benitez.
Takimi u zhbllokua në minutën e 35’, me Saibarin që goditi saktë me kokë, duke dërguar në festë tifozët vendas.
Me këtë rezultat, u mbyllën 45 minutat e para të lojës. Në fraksionin e dytë, holandezët, morën në kontroll takimin, duke dominuar përballë një Rangers, që nuk dukej i fortë, mjaftueshëm, psikologjikisht për të barazuar shifrat.
Në minutën e 53’, sërisht Saibari dyfishoi shifrat nga brenda zonës, një gol që në atë moment u duk se hipotekoi kualifikimin për në grupet e Champions.
Por 9 minuta më vonë, miqtë nga Skocia shkurtuan diferencat në të vetmin rast të rrezikshëm të krijuar në pjesën e dytë, me Tavernier që i dha shpresë Rangers, për një përmbysje. Ëndërr që u shua shpejt, si rrjedhojë e golit të shënuar një minutë më pas, nga kapiteni Luuk De Jong.
Tashmë, totalisht të mposhtur, skocezët e “djallosën” komplet, me autogolin e shënuar në minutën e 82’, duke i dërguar shifrat e takimit në 5-1.
Me këtë sukses, PSV rikthehet në Champions League, ndërsa Rangers do të vazhdojnë aventurën europiane, në Europa League.
Ndërkohë dy skuadrat e tjera të kualifikuara, janë Royal Antwerp dhe Kopenhagen, të cilat eliminuan respektivisht, AEK dhe Rakov Çeshtoçova. Ditën e enjte, me datë 31 gusht 2023, do të mësohet se në cilat grupe, këto skuadra do të garojnë./m.b /gijotina.com
Discussion about this post