Ish-ministri i Financave, Arben Malaj, ka komentuar sot gjatë një interviste televizive skandalin e fundit me publikim e pagave. Ai i bëri thirrje qeverisë të mos justifikohet me deklarata të pavlera, por të rrisë transparencën, pse jo kërkoi që të merret ekspertizë për këtë çështje. Gjatë intervistës, Malaj tha se lufta e tretë botërore nuk do të jetë më me armë e shpata, por tashmë do të ketë një luftë kibernetike dhe për këtë qeveria duhet të marrë masa.
“Si për patronazhistët dhe për këtë rrjedhje besoj se kryeministri nuk mund ta justifikojë gjendjen. Tani kudo shishet se është rritur pakënaqësia ndaj qeverive. Sot ka ekspertët të jashtëzakonshëm në teknologji që në shumë vende të botës përdorin të dhënë që tregojnë pjesë shqetësuese. Impakti më negativ është humbja e besimit të qytetarëve tek shteti. Janë paguar miliona nga BE. Theksoj se Lufta e tretë botërore do të jetë luftë kibernetike, ne jemi avantazh që jemi anëtar i NATO-s dhe ka ekspertët më të mirë. Në këtë aspekt unë mendoj që dalja e të dyja të dhënave po ushqen pakënaqësinë që kanë qytetarët ndaj qeverive dhe duhet parë me shumë përgjegjshmëri.Qeveria duhet të kërkojë ekspertizë. Unë e kam mbështetur konceptin e qeverisjes elektronike. Por qeveria është paralajmëruar që ka edhe risk”, tha Malaj.
Ndër të tjera, ai theksoi se qeveria duhet të bëjë transparencë për nivelin e pagave, ndërsa vuri në dukje se është thelluar hendeku mes pagave minimale dhe atyre maksimale
“Qeveria të bëjë transparencë për nivelin e pagave . Pavarësisht nga debati që do bëjnë partitë politikë, unë them që përgjegjësia e parë të jetë në nivel administrativ. Ku Nuk duhet të varet nga humori i ministrit apo as nga presioni. Edhe tërmeti që inauguroi sot kryeministri ka projekte të mëdha edhe pa garë. Ne sot jemi një vend i goditur nga babëzia”, tha Malaj, duke shprehur se si shqetësim duhet të shihet edhe fakti që disa kompani dukshëm i nen deklarojnë pagat e punonjësve.
Discussion about this post