Fero dhe problemet duket se rrinë në simbiozë bashkë. Reperi shpesh flet në tekstet e tij jetën problematike e duket se disa gjëra bazohen në jetën e tij reale. Në rrjetet sociale ka filluar të qarkullojë me shpejtësi një video e dhunshme e reperit emri i vërtetë i të cilit është Feronit Shabani. Videoja e publikuar tregon momentin kur reperi shihet duke sulmuar një person brenda një makine. Ai shihet i acaruar duke goditur me gjithë forcë brenda makinës, e cila mesa duket më pas tenton të largohet.
Nga pamja, duket se ngjarja ka ndodhur në lagjen ‘Muharrem Fejza’ në Prishtinë. Megjithatë data se kur ka ndodhur kjo ngjarje nuk është bërë e ditur. Kjo vjen disa muaj pasi një tjetër video e tij, teksa filmon veten duke goditur një person është bërë virale në mediat sociale. Në video, Fero dukej shumë i nervozuar teksa udhëton me makinë dhe i drejtohet disa njerëzve në rrugë: “Vëllai, a po e digjni me muzikë? A po dëgjohet vetëm Fero? Ju dua”.
Më pas shpërtheu në fjalë banale që dukej se i drejtoheshin Unikatil: “Jo si ju pederastë që fshiheni për 10-20 vite, s’më vë kush është vetëm një gangster?” Ndërsa personi tjetër që godet i thotë: “Ik ore.” Fero pasi e qëllon futet sërish në makinë dhe vazhdon të filmojë veten: “Ju që mendoni se jeni gangstera, iu pres të gjithëve, o fluturon një qen, ju shkeli”, teksa i jep gaz makinës.Mesa duket kjo është mënyra që ka zgjedhur Fero për të treguar se është i fortë.
Discussion about this post