Një zjarr i madh ka përfshirë sot pallatin 7-katësh në rrugën “Mihal Grameno”. Fatmirësisht ndërhyrja në kohë e shërbimit zjarrfikës ditën e sotme bëri të mundur shmangien e një tragjedie, pasi të gjithë banorët u evakuuan në kohë.
Bëhet me dije se, falë reagimit të shpejtë zjarrfikësit bënë të mundur nxjerrjen nga banesa të një zonje dhe një fëmije duke i larguar nga zjarri i rënë në një apartamenti në katin e 7-të. Banorët të përshirë nga paniku kishin ngecur brenda në pamundësi për të dalë, po fatmirësisht të gjithë u nxorën mirë nga aty dhe nuk pati të lënduar.
Mësohet zjarri i rënë rreth orës 12:25 në këtë lagje ka qenë tepër i fuqishëm, por fatmirësisht raportohen vetëm dëme materiale. Çdo ditë zjarrfikësit e Tiranës përballen me raste të shumta emergjente duke filluar që nga aksidentet automobilistike e gjer tek rastet e zjarreve, ndërsa nuk mungojnë dhe ato raste kur ngjarje të tilla kthehen në tragjedi.
Discussion about this post