Ndërsa kreu i PD, Lulzim Basha po zhvillonte Kuvendin Kombëtar të partisë, ish-kryeministri Sali Berisha dhe mbështetësit e tij po mbanin një referendum për shkarkimin e Bashës.
Sipas organizatorëve, në referendumin e organizuar në të gjitha degët e partive, morën pjesë 44 mijë demokratë, megjithëse kjo shifër nuk njihet nga PD-ja zyrtare.
Berisha e shpalli gjatë mbrëmjes së 18 dhjetorit rezultatin e këtij referendumi nga shkallët e PD-së, duke vendosur theksin në mënyrë të posaçme në një nga degët e Tiranës, njësinë nr. 8, që njihet si njësia e Lulzim Bashës.
Sipas Berishës në këtë njësi kishin votuar 760 demokratë për shkarkimin e kryetarit të PD, duke e konsideruar një humbje të thellë për Bashës, por abcnews ka arritur të sigurojë një nga kamerat e sigurisë pranë ambientit të votimit të ngritur në njësinë nr.8.
Nga këqyrja e pamjeve rezulton se në ambientin e përcaktuar për votim kanë hyrë 196 persona, prej të cilëve rreth 117 janë identifikuar si anëtarë, ndërsa pjesa tjetër janë jo aktivë ose që nuk i përkasin fare kësaj dege. Dega në fjalë numëron rreth 1 300 anëtarë.
Ky ishte vetëm një rast, ku persona që nuk kanë lidhje me PD-në kanë marrë pjesë në referendumin e thirrur nga Berisha për të shkarkuar kryetarin Basha, ku cënohet rëndë besueshmëria e rezultatit të dalë nga kutia e votimit.
KËTU gjeni pamjet e plota filmike
Discussion about this post