Aeroporti ndërkombëtar “Nënë Tereza” në Tiranë njoftoi sot rregullat e hyrjes në Zvicër për shtetasit shqiptarë.
TIA bën të ditur se edhe nëse vini nga një vend me nivel të lartë rreziku, mund të hyni në Zvicër nëse plotësoni të paktën një nga kërkesat e mëposhtme: Keni kombësi zvicerane; një leje lëvizjeje ndërkufitare (leje G); një kartë legjitimimi FDFA, vizë D e lëshuar nga Zvicra, një vizë C e lëshuar nga Zvicra pas 16 Marsit të 2020 në një rast përjashtimor të vlefshëm ose për të punuar me një kontratë afatshkurtër, një garanci leje qëndrimi, konfirmimi i njoftimit për ofrimin e shërbimeve ndërkufitare deri në 90 ditë në çdo vit kalendarik.
“Po ashtu shtetasit shqiptarë mund të hyjnë në Zvicër nëse janë mbajtës të një dokumenti udhëtimi për refugjatë ose individë pa kombësi të lëshuar nga Zvicra, një pasaporte për individë të huaj të lëshuar nga Zvicra, një residence të vlefshme ose një leje qëndrimi e vlefshme, ose një Leje-F”, thekson TIA.
Duhet të provoni se jeni vaksinuar me një vaksinë të njohur. Në këtë rast, mund të hyni me një vizë Shengen të lëshuar nga cilido shtet i Shengen përpara 16 marsit 2020.
“Jeni nën 18 vjeç dhe udhëtoni me një të rritur që është i vaksinuar plotësisht (prindër, vëllezër/motra, gjyshër dhe kujdestar). Jeni duke udhëtuar transit në Zvicër, me qëllimin dhe mundësinë e hyrjes në një shtet tjetër. Duhet të jeni të aftë të provoni se i përmbushni kërkesat e lartë përmendura. Dokumentet e duhura duhet ti paraqiten kontrollit kufitar ose në momentin kur aplikoni për vizitë”, thuhet në njoftimin e TIA.
Ndërsa në fund theksohet që çdo pasagjerë duhet të respektojë rregullat anti-covid në të kundërtën mund të penalizohet.
