Ish-Kryeministri Sali Berisha ka nisur të mbledhë 1500 firmat e nevojshme për thirrjen e Kuvendit Kombëtar të Partisë Demokratike, ku pritet të votohet vendimi i Lulzim Bashës për përjashtimin e tij nga grupi i PD-së.
Gijotina.com ka siguruar dokumentin te cilin firmosin demokratët që janë dakord për thirrjen e Kuvendit Kombëtar. Dokumenti firmoset nga demokratët në zyrën e ish Kryeministrit Berisha, të cilin e ndihmojnë një rreth i ngushtë për të mbledhur firmat e demokratëve.
Në këtë dokument përcaktohen edhe pikat e rendit të ditës për mbledhjen e Kuvendit që Berisha pretendon se do të mbledhë.
