Një foto e rrallë e ish-kryeministrit Sali Berisha nën shoqërinë e diktatorit Enver Hoxha dhe bashkëshortes së tij, Nexhmije Hoxha është publikur nga emisioni “Fiks-Fare”. Në foto dallohet Berisha i buzëqeshur në ambientin e shtëpisë së diktatorit. Ndërkohë Berisha ka mohuar të ketë pasur një raport të afërt me Enver Hoxhën apo qoftë dhe të ketë konsumuar një bisedë me të, e madje e ka konsideruar dhe si xhelat në reagimin e tij ndaj deputetit socialist, kur ky i fundit krahas flamurit shqiptar vuri dhe diktatorin Enver Hoxha.
“Deputeti socialist vendos në Facebook portretin e Enver Hoxhën. Në tërë historinë e tyre xhelat si Enver Hoxha, shqiptarët nuk kanë pasur”, është shprehur Berisha.
Berisha ka pranuar se ka pasur miqësi me djalin e Enver Hoxhës, Sokol Hoxha dhe bashkëshorten e tij Liljana Hoxha, por jo me vetë diktatorin.I pyetur nëse e ka takuar ndonjëherë personalisht Enver hoxhën, Berishë është shprehur se kjo gjë s’ka ndodhur kurrë.
“Mund të kem kaluar kështu, por nuk e kam takuar personalisht. S’kam folur kurrë me të. Kam pasur një miqësi me Liljana Hoxhën dhe djalin e tij Sokol Hoxhën”, është shprehur Berisha në një intervistë.
Discussion about this post