Pushtimi rus ndaj Ukrainës është në ditën e tretë të tij duke shënuar më shumë se 200 të vrarë nga civilët, ndërsa sa i përket ushtarakëve ka raportime të ndryshme nga të dyja palët. Ukrainasit thonë se janë vrarë më shumë se 3 mijë rusë deri më tani, kurse rusët pretendojnë se shifrat janë të ekzagjeruara.
Megjithatë, vlerësimet e ekspertëve ndërkombëtarë, përfshirë dhe inteligjencën amerikane dhe britanike tregojnë se rusët po hasin shumë vështirësi në Ukrainë. Rezistenca e ukrainasve duket e fortë, ndërkohë që rusët po hasin mungesa në furnizime me ushqime dhe karburant.
Aktualisht, rusët po tentojnë të marrin Kievin duke synuar fillimisht rrethimin e tij. Forcat ruse ndodhen pak kilometra nga Kievi, ndërkohë që në jug kanë avancuar më shumë duke marrë tashmë qytetin e Melitopolit. Në veri-lindje janë përreth Kharkivit, kurse në lindje nuk shihet ndonjë avancim i dukshëm përtej linjës së kontaktit me rebelët pro rusë.
Discussion about this post