Publikohet lista me 37 emrat e kandidatëve të Primareve për PD-në në Qarkun e Durrësit

Është publikuar lista e kandidatëve që pritet të garojnë në Primaret e 1 marsit në Partinë Demokratike për Qarkun e Durrësit, nga ku më pas do të vendoset se kush do të jetë kandidat për deputet në zgjedhjet parlamentare të 11 majit.

Lajmin e ka bërë të ditur dega e PD-së së Durrësit përmes një njoftimi, ku edhe ka ftuar të gjithë anëtarët e partisë të marrin pjesë në Primare dhe të ushtrojnë të drejtën e tyre të votës.

Po ashtu në njoftim thuhet se në fletën e votimit gjenden të renditur të gjithë kandidatët e qarkut, të dalë nga degët Durrës, Krujë, Fushë Krujë dhe Shijak dhe anëtari/ anëtarja e PD-së ka të drejtë të votojë vetëm një prej tyre.

Në listë bien në sy emra të njohur, deputetë e ish-deputetë, dhe aktivistë të njohur të PD si Igli Cara, Floriana Garo, Bislim Ahmetaj, avokati Arian Ndoji, Aulon Kalaja, Andia Ulliri, Luan Hoti etj.

Primaret për qarkun Durrës do të organizohen në pallatin e sportit “Ramazan Njala” . Procesi do të hapet në orën 08:00 të mëngjesit dhe do të zgjasë deri në orën 18:00.

Lista e plotë/Primaret qarku Durrës