Albin Kurti është politikani më i besueshëm në Kosovë, sipas një sondazhi të bërë së fundmi. Rezultatet u publikuan nga sondazhi për Ballkanin Perëndimor për vitin 2022 në kuadër të projektit të institutit amerikan “Instituti Republikan Ndërkombëtar” (IRI).
Në listën prej dhjetë politikanëve më të pëlqyer, sipas sondazhit, janë: kryeministri Kurti, presidentja Osmani, ish-presidenti Thaçi, kryetari i Kuvendit Konjufca, ish-kryetari i Kuvendit Veseli kryetarët e partive opozitare dhe kryetari i Komunës së Mitrovicës.
Kryeministri Albin Kurti, sipas matjeve të institutit amerikan, është më i pëlqyeri në Kosovë me 28%.
Presidentja Vjosa Osmani ka mbështetjen e 15% të pjesëmarrësve në sondazh. Dy ish-kryetarët e PDK-së, Thaçi e Veseli, pasojnë në vendet 3 dhe 4. Kadri Veseli (9%) qëndron me 2 pikë para ish-presidentit Hashim Thaçi. Lideri i LDK-s Lumir Abdigjiku është në vendin e pestë me 6% të mbështetjes qytetare.
Ramush Haradinaj dhe Glauk Konjufca kanë marrë mbështetje nga 6% e qytetarëve. 3% e qytetarëve të anketuar kanë deklaruar se kryetari i PDK-së, Memli Krasniqi është politikani më i besueshëm në Kosovë. Fatmir Limaj dhe Bedri Hamza kanë marrë përkrahje nga 2% e qytetarëve. 27% e qytetarëve që i janë përgjigjur sondazhit kanë deklaruar se asnjëri prej politikanëve të lartëcekur nuk janë të besueshëm.
Derisa 16% prej 1,520 respodentëve të anketuar nuk e dinë cili është më i besueshëm apo kanë refuzuar të japin përgjigje në këtë pyetje.
Discussion about this post