Një investitor amerikan përjetoi një ndëshkim të rrallë për shkak të një publikimi në Facebook.
Për këtë arsye, ai është ngritur kundër asaj që cilësohet si tirania e titanëve të medias sociale.
Lajmin e bën të ditur Fox News, sipas të cilit rasti i Chad Jones tregon fuqinë e frikshme të gjigantëve të medias sociale për të censuruar qytetarët e zakonshëm.
Jones tha për Fox News se penalizmi erdhi pas publikimit të diçkaje krejt të padëmshme.
“Ideja se ata po mbysin zërat e zakonshëm në mënyrë krejt normale është e tmerrshme,” thotë ai.
Gjithçka nisi në vitin 2022, kur Jones postoi në faqen e tij personale në Facebook një letër misterioze të shkruar nga një gjyqtar i dalë në pension.
Ish-gjyqtari 85-vjeçar Keith M. Alber shkruan në letër se gjendja ku është katandisur demokracia amerikane ishte parashikuar me një saktësi të frikshme që në vitet ’50.
“Viti im i parë i kolegjit ishte 68 vjet më parë,” shkruan Alber në letër.
“Një nga klasat që ndiqja ishte për shkenca politike. Një gjysmë faqe e librit tim përshkruante disa hapa për të përmbysur demokracinë. Ato janë:
-Ndani kombin filozofikisht.
-Nxitni grindjet racore.
-Shkaktoni mosbesim ndaj autoritetit të policisë.
-Përmbytni kufijtë e kombit pa dallim dhe në mënyrë jokushtetuese.
-Krijoni forcën ushtarake për ta dobësuar atë.
-Mbingarkoni qytetarët me taksa të padrejta.
-Inkurajoni trazira civile dhe dekurajoni përgjegjësinë për të gjitha krimet.
-Kontrolloni të gjitha votimet.
Kontrolloni të gjitha mediat”.
Letra e tij u bë virale dhe nxiti një debat të zjarrtë në median sociale për shkak të gjendjes ku është demokracia amerikane sot.
Letra e publikuar nga Jones mori mbi 11 mijë ndarje. Por Facebook e bllokoi pa i dhënë ndonjë shpjegim.
Jones thotë se ka vendosur të flasë kundër kësaj tiranie.
“Shumica e heshtur nuk është më e heshtur si dikur,” tha ai për Fox News.
Discussion about this post