Policia e Fierit ka arrestuar një 24-vjeçar, i cili kreu manovra të rrezikshme, drift, në vendin e quajtur “Rotondo e stacionit të autobusave”, në qytetin e Patosit. I riu u identifikua dhe u ndalua pas publikimit të vdeos në rrjete sociale.
Në njoftimin e bërë publik policia bën me dije se e ndaloi të riun për shkak të thyerjes së Kodit Rrugor duke u bërë burim aksidenti për përdoruesit e tjjerë të rrugës.
Fier-Kreu manovra të rrezikshme (drift) me automjet, në rotondo, identifikohet dhe ndëshkohet me masë administrative, drejtuesi i automjetit.
“Pas publikimit të një video-je në rrjetet sociale, në të cilën shfaqet një drejtues automjeti, në vendin e quajtur “Rotondo e stacionit të autobusave”, Patos, duke kryer manovra të rrezikshme (drift) me automjet dhe duke u bërë burim aksidenti për vete dhe përdoruesit e tjerë të rrugës, shërbimet e Policisë Rrugore Fier, kanë bërë të mundur identifikimin dhe lokalizimin e automjetit që shfaqet në video, si dhe kapjen e drejtuesit të tij, shtetasit R. B., 24 vjeç”, thuhet në njoftimin e policisë.
Discussion about this post