Një ngjarje e rëndë që ka tronditur mbrëmë Tetovën dhe gjithë Maqedoninë ku një i punësuar anesteziolog në spitalin Klinik të Tetovës ka filmuar gra duke lindur, pacientë dhe mjekë duke e nxjerrë në rrjetin social Tik-Tok.
Pas kësaj kanë pasuar reagime të shumta, ku ka ardhur edhe deri te largimi nga puna i mjekut që publikoi videon.
“Ndjej keqardhje për rastin e mbrëmshëm në Spitalin e Tetovës, dua të theksoj se në fillim kur mora vesh, e kam denoncuar rastin në polici, pastaj un bashkë me ministrin e Shëndetësisë kemi vendosur që këtij personi ti ndërpritet marrëdhënia e punës, sepse ka shkelur rregullat e punës” – tha drejtori Pëllumb Vela.
“Kemi qenë nga mbrëmë në koordinim të vazhdueshëm me drejtorin e spitalit të Tetovës, më vjen shum keq që një i punësuar në spital të veprojë kështu, jam takuar edhe me SPB-Tetove dhe kemi marrë masat e duhura” – deklaroi Ministri i Shëndetësisë, Fatmir Mexhiti.
Në pyetjen se si ndjeheni kur e keni parë në fotografi me ju personin qe xhiroi videon dhe a eshte pjesë e ASH-së, ai tha:
“Unë këtë njeri nuk e njoh personalisht, e pashë foton ku ishte bashkë me ne por besoni sikur të ishte anëtar i ASH-se do të reagoja edhe më ashpër. Ne jemi të vendosur nuk do të lejojmë raste të tilla të përsëriten, disa mjeke sipas informacioneve kanë kërkuar të bëjnë një fotografi dhe personi në fjalë e ka keqpërdorur” – tha Fatmir Mexhiti.
Discussion about this post