Ministria e Bujqësisë ka vendosur që pulat e ngordhura në Durrës nga gripi i shpendëve të groposen në Shijak. Sikur duket edhe nga fotot janë hapur dy gropa të mëdha dhe po dërgohen të gjitha pulat e ngordhura. Por burime bëjnë me dije se këto gropa janë hapur pa leje në një toke private të një qytetari nga Shijaku. Përfaqësuesit e Ministrisë kanë thënë se është përzgjedhur një tokë larg vendeve të banimit dhe më pas do të rrethohet që të mos kalojnë as kafshët as njerëzit.
“Kemi përzgjedhur tokën. Dje kemi mbyllur gropën e parë, sot të dytë, jemi në pritje. Në këtë lloj madhësie është hera a parë, por është sëmundje e rrezikshme për kafshët, vendi do rrethohet që të mos lejohet asnjë kafshë dhe as nga njerëzit. Këtu ka përfaqësues nga Ministria e Bujqësisë, e Mjedisit, AKU, veterinarisë dhe pushteti vendor,” thuhet në njoftim.
Mirëpo një qytetar ka deklaruar se kjo tokë është e tija dhe se nuk është kontaktuar nga asnjë zyrtar për t’i marrë leje apo për ta njoftuar paraprakisht se çfarë do të ndodhte “Janë në tokën time, kanë ardhur mbrëmë dhe e kanë bërë si hajdutët, kriminelët, unë sjell e gjatë te toka, ku do të jetojmë ne. Kjo i përket pushtetit të Shijakut, s’më kanë kontaktuar”, tha Nuri Domi. E pra sikur duket edhe këtë herë qeveria nuk po bënë si duhet detyrën e saj.
Discussion about this post