Kristian Pulisiç ishte protagonist absolut në fitoren 0-3 të Milanit ndaj Udinezes, duke pasur dorë në të tre golat e kuqezinjve dhe duke udhëhequr skuadrën drejt suksesit të tretë radhazi me portën e paprekur.
Ndeshja nisi me ritëm të lartë, me të dy ekipet që testuan portierët brenda tre minutave të para. Terraçiano ndali goditjen e Bravos, ndërsa në anën tjetër Sava reagoi ndaj Pulisiç dhe më pas ndaj Himenez nga afër.
Por pesë minuta para fundit të pjesës së parë, Pulisiç shënoi golin e parë, duke përfituar nga një top i kthyer pas krosit të Estupinan.
Vetëm pak çaste pas rifillimit, presioni i Pulisiç çoi topin te Fofana, i cili dyfishoi avantazhin, ndërsa më pas vetë amerikani vulosi fitoren me golin e tretë, duke e konfirmuar si “specialist” të ndeshjeve jashtë fushe.
Udinese tentoi reagimin me Ata dhe Zaniolo, por Terraçiano ishte i sigurt dhe miqtë ruajtën epërsinë deri në fund. Ky ishte takimi i shtatë radhazi pa fitore në shtëpi për vendasit, ndërsa Milani regjistroi fitoren e katërt radhazi në përballjet direkte dhe ngjitet në vendin e tretë të renditjes.
UDINEZE-MILAN 0-3
Pulisiç 40′, 53′, Fofana 46′
GOLAT E NDESHJES: VIDEO
gijotina.com/
Discussion about this post