Punimet e lëna përgjysmë nga qeveria në “Syrin e Kaltër” kanë bërë që kjo pikë turistike të kthehet në kaos dhe rraskapitje për turistët. Nga vëzhgimet e ditës së sotme shihet se si u turistëve u duhet të ecin me kilometra të tëra në këmbë për të arritur në destinacion. Qindra turistë ditën e sotme kanë vizituar zonën e mbrojtur. Ndërkohë që raportohet të jetë drejt fundit projekti i qeverisë shqiptare që kap vlerën e 105 milionë lekëve. Ndërsa ende nuk ka përfunduar projekti, është shkaktuar pothuajse një kaos total, ku qindra makina parkohen anash rrugës.
Nuk kanë munguar as përplasjes verbale mes drejtuesve të automjeteve sa i përket vendeve të parkimit. Vizitorëve u duhet të lënë makinat e tyre dhe të përshkojnë 2 kilometra në këmbë për të mbërritur tek “Syri i Kaltër”. Ndërkohë u duhet të paguajnë një shumë prej 5 mijë lekësh të vjetra si tarifë parkimi në vendin ku i lënë makinat. Turistët e kanë përcaktuar këtë gjendje si “skandaloze”, duke kërkuar që të zgjidhej sa më parë çështja e parkimit.
Discussion about this post