Aktori Zac Efron, i njohur për kastet ‘High School Musical’, ‘The Greatest Showman’, ‘The Iron Clan’, ose ‘When I Find You’, është shtruarr me urgjencë në spitalin e Ibiza, Spanjë.
Shkak ishte një aksident i pësuar gjatë pushimeve të tij verore në pishinën e vilës ku po qëndronte. Sipas ‘TMZ’, “aktori ka pësuar një incident në një pishinë të premten e 2 gushtit në mbrëmje, në vilën ku ai qëndronte që në fillim të javës”.
Ishin dy punëtorët e fshatit turistik ku po qëndronte, që e gjetën gati pa ndjenja dhe e nxorën nga uji, duke e dërguar menjëherë në spital. Për momentin nuk dihen shkaqet e aksidentit, por sipas mjekëve spanjollë, Efron ndodhet jashtë rrezikut për jetën.
Këtë e ka konfirmuar përfaqësuesi i tij për mediat amerikane dhe specifikisht TMZ. Sipas agjentit, shtrimi në spital do të ishte një “masë paraprake” pas asaj që ai e përshkroi si “një incident të vogël noti”. Agjenti thekson edhe se “së shpejti Zac do të shërohet”.
Edhe mediat spanjolle kanë raportuar se aktori i njohur po kalon pushimet verore prej disa ditësh në “Ishujt Baleares”, por ky nuk ka qenë destinacioni i tij i vetëm. Gjatë muajit korrik, ylli hollivudian i “Disney Channel” ishte parë edhe në vende ekzotike si Saint Tropez, Mykonos dhe París.
Discussion about this post