Deputetja demokrate, Jorida Tabaku ka reaguar pas protestës së punonjësve të inceneratorit të Fierit të cilët nuk ishin paguar prej katër muajsh duke hedhur akuza drejt qeverisë.
Ish kryetarja e Komisionit Hetimor të Inceneratorëve, përmes një postimi në Twitter akuzon qeverinë se kanë marrë lekët nga buxheti i shtetit për një incenerator që nuk ekziston dhe për më tepër nuk paguajnë as punëtorët.
“Ky po që është biznesi tipik i kësaj qeverie. Marrin 28 mln nga buxheti për një incenerator që nuk ekziston dhe s’paguajnë as punonjësit! Paguhen kompani fantazma dhe transaksione në kompani offshore dhe jo të punësuarit! Vjedhja shekullit €430 mln”, shkruan Tabaku.
Discussion about this post