Punëtori 60-vjeçar vdes në kantierin e ndërtimit në aeroportin e Vlorës, e përplasi fadroma

Një punëtor ndërroi jetë në kantierin e ndërtimit të aeroportit të Vlorës. Nga informacionet e para mësohet se viktima e moshës 60 vjeçare ndërroi jetë pasi dyshohet se u shtyp nga fadroma.

Ngjarja është shënuar rreth orës 21:20 të 17 janarit.

Policia thotë se 63 vjeçari, shqiptar nga Kosova duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit 60 vjeçar nga Dibra ka humbur jetën. “Specialistët për Hetimin e Krimeve në Komisariatin e Policisë Vlorë arrestuan shtetasin Rr. S., 63 vjeç, banues në Prishtinë, Kosovë, pasi dyshohet se më datë 17.01.2025, rreth orës 21:20, në kantierin e ndërtimit të Aeroportit të Vlorës, duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit, shtetasi N. Xh., 60 vjeç, banues në Dibër, ka humbur jetën”.

Punëtori rezulton të jetë pjesë e kompanisë 2A Group.

60 vjeçari sapo ka zbritur nga kamioni është përplasur nga mjeti i tonazhit të rëndë, fadromë, dhe për pasojë ka ndërruar jetë në vend. Policia ka shkuar në vendin e ngjarjes

Në aeroportin e Vlorës punohet me tre turne me qëllim që punimet të përfundojnë brenda afatit.