Punëtori bie nga lartësia në Golem, ndërron jetë gjatë rrugës për spital

Një punëtor ndërtimi, rreth 62-vjeç ka humbutr jetën tragjikisht pasditen e kësaj të premteje në Golem.

Nga informacionet paraprake mësohet se ai ka rënë nga lartësia, teksa ka qenë duke punuar në ndërtim.

Fatkeqësisht, ai ka ndërruar jetë rrugës për në spitalin e Durrësit nga dëmtimet e shumta dhe hemorragjia.

Për rastin është informuar edhe policia e cila po heton për rrethanat e ngjarjes.

Njoftimi i policisë:

Rreth orës 15:30, në Urgjencën e Spitalit Rajonal Durrës, është dërguar pa shenja jete shetasi I. P. rreth 62 vjeç, i cili ka qënë duke punuar në Qerret Kavajë, në një pallat.

62-vjeçari dyshohet se ka humbur jetën si pasojë e rrëzimit të një trari prej druri gjatë çmontimit të skelave të ndërtimit.

Po si pasojë e rënies së trarit është dëmtuar lehetë në këmbë shtetasi S. H.

Janë shoqëruar në Komisariat personat që kanë qënë prezent në vendngjarje.

Grupi hetimor ndodhet në vendngjarje dhe nën drejtimin e Prokurorisë po punuon për sqarimin e rrethanave të ngjarjes.