Ditën e djeshme një punëtor në guroren e Ersekës u aksidentua rëndë pasi u bllokua nga një makineri. Për pasojë, policia ka proceduar penalisht administratorin, shtetasin V. D., 58 vjeç.
Ai akuzohet për “Shkeljen e rregullave të mbrojtjes në punë”.
Lexo edhe: E zë poshtë transportieri, aksidentohet punonjësi i gurores në Kolonjë
Njoftimi zyrtar i policisë:
Kolonjë/Procedohet penalisht, për veprën penale “Shkelja e rregullave të mbrojtjes në punë”, administratori i gurores në të cilën, ditën e djeshme, gjatë punës, u aksidentua një punëtor.
Specialistët për Hetimin e Krimeve të Komisariatit të Policisë Kolonjë, në vijim të veprimeve procedurale të kryera në lidhje me ngjarjen e ndodhur ditën e djeshme, në një gurore, në të cilën gjatë punës u aksidentua një punëtor. Referuan materialet në Prokurori dhe filloi procedimi penal në gjendje të lirë për shtetasin V. D., 58 vjeç, banues në Ersekë, Kolonjë. Me detyrë administrator i gurores.
Procedimi penal ndaj këtij shtetasi filloi pasi në guroren e kompanisë që ai administron, në afërsi të fshatit Selenicë, Kolonjë, shtetasi R. D., 43 vjeç, banues në Ersekë (punëtor), duke punuar me një makineri, ka mbetur i bllokuar dhe për pasojë ka marrë dëmtime në trup. Aktualisht 43-vjeçari ndodhet në Spitalin e Traumës, në Tiranë, jashtë rrezikut për jetën.
Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.
Discussion about this post