Punëtori vdiq pasi ra nga lartësia, arrestohet inxhinieri i firmës së ndërtimit

Policia e Tiranës ka arrestuar inxhinierin e një firmë ndërtimi për shkelje të rregullave të mbrojtjes.

Në firmën ku ky qytetar punonte A. Z., 60 vjeç, ka rënë nga lartësia dhe si pasojë ka humbur jetën shtetasi K. K., 59 vjeç.

“Specialistët e Seksionit për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit A. Z., 60 vjeç, për veprën penale “Shkelja e rregullave të mbrojtjes në punë”, inxhinier në një firmë, pasi në firmën ku ky shtetas punon, ka rënë nga lartësia dhe si pasojë ka humbur jetën shtetasi K. K., 59 vjeç.” – njofton policia.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.