Autoriteti Rrugor Shqiptar ka bërë me dije se në segmentin rrugor “Mbikalimi i Shkozetit-Mbikalimi Plepa do të kryhen punimet për riparimin e ndriçimit, i cili aktualisht është jashtë funksionit.
Në një njoftim për mediat, ARRSH thekson se është parashikuar që punimet të përfundojnë brenda afatit 20-ditor dhe do të kryhen gjatë natës për të mos penguar trafikun.
Më tej bëhet me dije se korsia e shpejtësisë do të bllokohet duke vendosur të gjithë sinjalistikën informuese.
