Mbyllja e përkohshme e autostradës Tiranë–Durrës, për shkak të punimeve të lajmëruara nga Autoriteti Rrugor Shqiptar më datë 10 tetor 2025, ka sjellë trafik të rënduar në disa nga zonat kyçe të kryeqytetit, si dhe në hyrje-daljet e tij.
Policia Rrugore dhe patrullat e përgjithshme janë angazhuar në terren, në çdo kryqëzim dhe segment kryesor rrugor, për të menaxhuar situatën dhe për të lehtësuar qarkullimin e mjeteve.
Policia e Tiranës i bën thirrje drejtuesve të automjeteve që të tregojnë durim, të respektojnë sinjalistikën rrugore dhe udhëzimet e punonjësve të Policisë. Gjithashtu, rekomandohet përdorimi i rrugëve alternative për të shmangur vonesat e mundshme në lëvizje.
Discussion about this post