Autoriteti Rrugor Shqiptar bën me dije se mbrëmjen e nesërme, do të bëhet devijimi i trafikut në zonën e Unazës së Re, në sajë të vazhdimit të ecurisë së punimeve në rrugën kryesore, krahu i djathtë.
Sipas ARRSH, aty ku ndahen sot rrymat e trafikut për Unazë të Re dhe Yzberisht, automjetet që kanë për destinacion zonën e pallateve do të devijojnë djathtas në rrugën paralele, me të cilën janë lidhur të gjitha rrugicat ekzistuese, si rruga “Mikel Maruli”, rruga “Aleskandri i Madh” dhe “Bulevardi Migjeni”.
Gjithashtu është bërë vendosja e sinjalistikës përkatëse dhe në këtë aks është i ndaluar parkimi i automjeteve.
